Sjúkratryggingar Íslands (SÍ) bjóða út hjálpartæki í þeim flokkum sem það þykir hagkvæmt. Reglur og umsóknir um hjálpartæki er að finna á vefsíðu þeirra. 

Við kaup á hjálpartæki þarf alltaf að liggja fyrir heimild frá SÍ ef þátttöku almannatrygginga er krafist. Sækja verður um hjálpartæki áður en fest eru kaup á þeim. Læknar, iðjuþjálfar eða sjúkraþjálfarar meta þörf fyrir hjálpartæki. Lýsing á færni og rökstuðningur þarf alltaf að fylgja umsókn. Stoð, sem söluaðili, getur ekki sent inn fyrstu umsókn, en getur í sumum tilfellum sótt um endurnýjun heimildar.

Stoð er með samning við SÍ í eftirfarandi flokkum:

• Bað- og salernishjálpartæki - sjá vörulista
• Gervilimir - sjá vörulista
• Hjólastólar og gönguhjálpartæki - sjá vörulista
  • einnig sérsmíðuð sæti, setur og bök í hjólastóla
• Vinnustólar og sérstakir barnastólar - sjá vörulista
• Sjúkrarúm og fylgihlutir - lyftarar - flutningshjálpartæki - sjá vörulista
• Spelkur - sjá vörulista
• Bæklunarskór og sérsmíðuð innlegg - sjá upplýsingar
• Þrýstingsvörur - sjá upplýsingar
• Gervibrjóst - sjá upplýsingar