Kneuro er tölvustýrður gervihnjáliður sem aðlagar sig að hreyfingum notandans og veitir aukið öryggi og stuðning við fjölbreyttar aðstæður í daglegu lífi. Hnjáliðurinn styður meðal annars við mismunandi gönguhraða og býður upp á hrasvörn, göngu upp stiga með víxlsporum og mjúk umskipti úr göngu yfir í hlaup. 

Kneuro er hannaður með það að markmiði að styðja við örugga og eðlilega hreyfingu og gefa notandanum meira sjálfstraust í daglegum athöfnum. Hægt er að sérsníða eiginleika hnjáliðarins að þörfum hvers og eins með Kneuro-snjallforritinu. Rafhlaðan endist í allt að fimm daga og hleðsla fer fram með USB-C tengi.