Gervibrjóst og fatnaður
STOÐ býður upp á fjölbreytt úrval af gervibrjóstum sem miða að því að endurheimta náttúrulega líkamslögun og auka þannig sjálfstraust og vellíðan kvenna.
Hjá STOÐ er hægt að fá mælingu og mátun á gervibrjóstum og fleygum og ráðgjöf við val á fatnaði svo sem brjóstahöldurum, sundfatnaði eða toppum. Áhersla er lögð á vandaða ráðgjöf og persónulega þjónustu.
Gervibrjóst
STOÐ selur gervibrjóst og fleyga frá Amoena. Amoena leggur áherslu á gæði og nýsköpun í þróun gervibrjósta sinna, með það að markmiði að mæta þörfum kvenna og stuðla að vellíðan þeirra. Brjóstin fást í mismunandi stærðum og gerðum
Einnig er til eftirfarandi gegn sérpöntun:
- Álímd brjóst
- Brjóst með pumpu
- Sundbrjóst
- Fleygar til að nota eftir fleygskurð
Brjóstahaldarar
STOÐ er með gott úrval brjóstahaldara frá breska vörumerkinu Nicola Jane. Nicola Jane hefur í yfir 40 ár verið í fararbroddi í þróun og framleiðslu á sérhönnuðum brjóstahöldurum fyrir konur sem hafa farið í brjóstnám eða aðrar brjóstaaðgerðir.
Brjóstahaldararnir eru hannaðir með sérstaka vasa fyrir gervibrjóst sem veita örugga og þægilega festingu, auk þess að stuðla að góðri lögun og þægindum í daglegu lífi. Mikil áhersla er lögð á gæði, snið og þægindi, þannig að konur geti fundið lausn sem hentar þeirra þörfum og lífsstíl.