Hálfsérsmíðaðir bæklunarskór sameina kosti staðlaðra skófatnaðar og sérsmíðaðra lausna. Grunnurinn er tilbúinn skór sem er síðan aðlagaður að þörfum notandans. Hægt er að gera breytingar á breidd, innra rými, sóla eða öðrum þáttum skósins eftir þörfum. Innlegg eru ýmist aðlöguð eða sérsmíðuð til að tryggja sem besta virkni, stuðning og þægindi. Þannig fæst einstaklingsmiðuð lausn án þess að þurfa að smíða skóinn frá grunni. Boðið er upp á fjölbreytt úrval bæði af inni- og útiskóm.
Skórnir eru valdir úr bæklingum og vöruframboði viðurkenndra framleiðenda og sérpantaðir fyrir hvern notanda. Aðlögun og breytingar eru síðan framkvæmdar eftir einstaklingsbundnum þörfum.

Greiðsluþátttaka Sjúkratrygginga Íslands
Greiðsluþátttaka fer eftir gildandi reglum og samningum Sjúkratrygginga Íslands. 
Nánari upplýsingar veita starfsmenn STOÐAR við mat og ráðgjöf.