Manex Ulnar er úlnliðsspelka sem er hönnuð til að veita stuðning fyrir sjúklinga með ölnarlæga "deviation" á hnúaliðunum. Spelkan hefur útlit hanska/grifflu og lokast með reimakerfi sem gerir að verkum að auðvelt er að setja á sig spelkuna og stuðningsflipi er fyrir hvern og einn fingur.

Spelkan hefur að geyma fjóra meiginhluta til þessa að veita ölnarlægri "deviation" stuðning.

• Hnúaliðsflipar geta stutt við og stillt af hnúaliðina. Auðvelt er að stilla þá og það er hægt að festa þá hvar sem er á bakhlið spelkunnar með fyrirferðarlitlum frönskum rennilás.
• Fyrirferðarlítil ölnarlæg spöng úr sveigjanlegum gormi er í opnum vasa á ölnarhlið spelkunnar og hana má stilla af fyrir hvern og einn notanda til þess að styðja "zig-zag" stöðu handarinnar.
• Lófaspöng gefur spelkunni hefðbundinn stuðningseiginleika en hjálpar á sama tíma ölnarlægu spönginni. Spelkan er svo fest yfir ölnarhluta spelkunnar til þess að veita enn meiri stöðugleika.
• Einingaskipta bandið yfir úlnliðinn er hægt að nota til þess að veita enn meiri stuðning yfir úlnliðinn. Það er fest á franska  hlutann af reimakerfinu og vafið um úlnliðinn.

Manex Ulnar er búin til úr Neptune efni Mediroyal sem er "hydrodynamic" og andar. Ytra yfirborð spelkunnar er úr frönsku textílefni þannig að festa má reimakerfi hennar og hnúaliðsflipana hvar sem er á henni. Þumalhlutinn er stillanlegur til að koma til móts við fólk með bólgu yfir hnúaliðnum. Þumalbandið er fest á bakhliðina rétt undir hnúaliðsflipunum. "Lycra" tunga er síðan yfir sveifarhlið spelkunnar til þess að auðvelda að setja á sig spelkuna og auka þægindi.