WalkOn Reaction er "dýnamísk" ökklaspelka úr koltrefjum. Hún lyftir fæti þannig að hann dragist ekki eftir gólfi eða slettist, er með stuðningi að framan fyrir hnéð í réttu og skilar orku með virkum hætti inn í göngu, hvoru tveggja í hælísetningu og fráspyrnu. Af því hvernig spelkan er hönnuð frá legg og niður í fótplötuna, hefur hún einnig áhrif á jafnvægi í standandi stöðu í breiddar- og þykktarsniði (e. frontal and sagittal plane).

Spelkan er létt og vel aðsniðin þannig að lítið fer fyrir henniog fótplötuna á henni má slípa niður fyrir hvern og einn. Púðar, áfastir festiböndum, yfir sköflungi eru úr efni sem andar vel og er auðvelt að skipta út með heilsu húðar í huga.

Spelkuna má nota með hliðlægu ragnhverfubandi (e. lateral pronation strap) sem getur nýst til þess að draga úr njórastöðu (e. varus deviation) fótar og ökkla. Stuðningur sem þessi ætti alltaf að notast ásamt innleggi sem leiðréttir stöðuna.