Gervibrjóst og fatnaður
Stoð býður upp á fjölbreytt úrval af gervibrjóstum sem miða að því að endurheimta náttúrulega líkamslögun og auka þannig sjálfstraust og vellíðan kvenna.
Hjá Stoð er hægt að fá mælingu og mátun á gervibrjóstum og fleygum og ráðgjöf við val á fatnaði svo sem brjóstahöldurum, sundfatnaði eða toppum. Áhersla er lögð á vandaða ráðgjöf og persónulega þjónustu.
Gervibrjóst
Stoð selur gervibrjóst og fleyga frá Amoena. Amoena leggur áherslu á gæði og nýsköpun í þróun gervibrjósta sinna, með það að markmiði að mæta þörfum kvenna og stuðla að vellíðan þeirra. Brjóstin fást í mismunandi stærðum og gerðum
Einnig er til eftirfarandi gegn sérpöntun:
- Álímd brjóst
- Brjóst með pumpu
- Sundbrjóst
- Fleygar til að nota eftir fleygskurð
Nærföt og sundföt
Stoð er með gott úrval af sund- og undirfatnaði frá breska vörumerkinu Nicola Jane. Nicola Jane hefur í 40 ár verið í fararbroddi í framleiðslu á fatnaði sem er sérhannaður til að mæta þörfum kvenna eftir brjóstnám eða aðrar brjóstaaðgerðir. Allur fatnaðurinn er sérhannaður fyrir konur sem nota gervibrjóst en hentar jafnframt vel öllum konum.
Í boði eru vandaðir og fallegir sundbolir, tankini og bikini með vösum fyrir gervibrjóst, sem og toppar, brjóstahaldarar og nærbuxur.
Hjá Stoð stendur þér til boða fagleg aðstoð og ráðgjöf við val og mátun gervibrjósta og fatnaðar
Thelma Baldursdóttir er sjúkraliði að mennt og hefur sérhæft sig í ráðgjöf varðandi brjóst og fatnað.