Það skiptir höfuðmáli að kaupa ekki of litla skó. Fætur barna vaxa mjög hratt fyrstu árin og þess vegna ætti alltaf að gera ráð fyrir allt að 1-1 1/2 cm fyrir framan lengstu tána.  Við ástig þenst fóturinn alltaf eitthvað út (u.þ.b.1/2 cm). Gott húsráð er að velja ekki skó sem er hægt að vinda eins og tusku.

Vöxtur á fótum barna frá 1 til 2 ára er um 2cm á ári, 2 til 3 ára hægist örlítið á vextinum í 1 1/2 cm og frá 3 til 11 ára vex fóturinn um 1 cm.

Með þetta að leiðarljósi þá ættu skór sem þið kaupið á börnin að vera:

• með a.m.k. 1 cm fyrir framan lengstu tána
• með sóla sem er millistífur
• með stífum hælkappa

Gætið ykkur á að hafa börnin ekki:

• í of þröngum sokkum
• í þungum skóm
• í of stuttum barnafötum með áföstum sokk
• í of litlum skóm